LANGKAN

Rabu, 03 Januari 2018

Eapol



Carpan Imam Syahroni

TA bannya’ se earep sengko’. Aba’ la cokop seddheng ngarassaagi manes paena odhi’. Gun cokop ngodhi’i ana’ bine, aba’ la arassa ce’ bungana. Dhari kobi sampe’ aoba dha’ deng gula sakeng dhari apessa aba’. Gun bisa napet dhadha ngajalane odhi’ sapaneke. Ajelling ana ban binena oreng ce sampornana se eengone. Seddheng anaban binena ba’ dibi ken coma bisa narema kabadhaan se padhik neka.
Malem ta’ cokop rassana notobi mellass  jalanna odhi’. Bantal ban kasor ta cokop lembu’ kaangguy matedhung aba’. Ra’i dhateng ngoca’ salam pon ta’ kedhing, ken sowarana se sera’ tor kasar majaga buluna kole.
Bisa mangkat LeHasan malem sateya? Engko’ nemmo jalan kaangguy mamangkat hedha ka Malaysia. Dina orosan ongkos apa cana sengko’,” koca’na Ra’i sal ba’ dibi’ kalowar dhari roma.

Rokona nyembur ka man-kamman. E dhalem ate rassana bunga ngedhing kabar sapaneka. La cokop sabbar rassana aba’ odhi’ e Madura majalan elmkocana oreng towa mare lo’ ngapessagi dhabuna ru-guru se ampon apareng amanat sopaja ngajar abakte saampona lolos dhari kuliah. Tape aba’ lo’ kowat ajalanodhi’ se ta’ etemmolo-onjurrsabban arena gun ngarep pesse ollena ngajar se bannyana Rp 300.000. Seddheng kaangguy notobi otang neng toko saos pon ta’ cokop.
”Ella bendher onggu ocana Suli se acareta ja’ Ra’i reya lakar blater. Bangal nolong onggu dha’ tang kasossaan, make saongguna Ra’i reya amoso sareng dhupopona tang binse sateya daddi klebun. Maklum bai, Ra’i reya toman acalon klebun ken kala. Tape make klebun dhupopona tang bine reya, ta toman pas abantowa dha’ aba’. Nang-mennang Ra’i endha’ nolong ka teya’an reya.
Sengko moleya, Le, bisengko’ adhante’a ba’na reya e Pasar Tana Mera, soalla kanca laenna badha se dhari man-dhimman. Mare lo ruwet. Dina bi sengko’ edhante’a hedha reya e dhissa,kocana Ra’i.
Seddheng tang bindibi’ ropana la abit ngedhingngagi e penggirrlabang. Aeng matana acapcapan enga’ ojan. Namun aeng matana ta’ ngorangroba raddinna. Ana’ e dhalem kamar la ato’-bato, padha sareng sebellun-sebellunna.
”Dho kaka, tegaonggu hedha se aginaagina sengkoban ana’na hedha?” Sowarana dhalem nyebbit dha’ perro’ rassana. Ayo rapa ja-kaja, dina mase lo cokop odhi e dhinna’.
Sapa ale’ se tega aginaagi hedha ban kacong e dhinna’? Coma engko’ mangkat reya banne ken norodi napso. Lo’ kowat rassana ajelling kabadhaan se enga’ reya. Sabban are se ekakana nambun tang-taotang. Dina ekhlassagi engkomangkat.
Aeng matana terros nyapcap ka tana. Tak nengale dha’ tengka gulina sengkose la siap mangkadha karena rang-barang se bakal ekebaampon la badha e dhalem ettas. ”Emmak…” Sowara e dhalem kamar acampor kalaban batok se terros materros basa. Kacong se kabit gella’ tedhung ropana la jaga. Paleng ngedhing margana tangessa tang binse ta gellem ambu.
Emmak, mangkada, Na’, nyareya pesse se bannyamare hedha budhiyan bisa asakola, bisa dhapa’ daddi oreng se sukses. Maske engko’ banne contona.
Kacong arambat menta emben dha’ embonaEngko’ kalowar dhari roma. Ropana BiTira, tatangga jadimor la badha e taneyan sambi berka.
”Matoro’a tang anabine, Bi’, engko epaste mangkat sateya ka Malaysia,” sambi eciyom bi sengko tanangnga Bi’ Tira se saongguna aropaagi majadhi dhari oreng towana sengko se la tadha’ omor. Ejelling bi’ sengko’ aeng mata dhari binse kabit gella’ ta’ lem ambu se nanges. Capcaban aeng matana, seddheng sengko’ ken darma napet dhadha.
Sajan jau bi’ sengko’ ejelling klennabaeng matana tera’ etembung senadda lampu. Soko la pak-tepakpak ngajalane lorong se petteng ajalimudan. Lo’ ekatelak mon malem ancorra aspal se ken ecapcabi enga gulali. Padha sareng atena sengko se ta ro-karowan ancorra karena bakal apesa’a kalaban ana’ bine.
Atole sengko’ dha’ budhi sopajbisa ngatela’ pole dha’ robana tang bine. Tape sayang, grumbedda ka’-bungka’an se tombu e penggir lorong la notobi pajellinganna mata. Dhari jau e tengngana lorong se petteng ekatela badha sapedha motor se cora ambu kabit gella’. Engko paham sapedha rowa sapedhana Ra’i. Oreng se bakal maobatang odhi’ dhari malarat sampe bisa eabas bala tangga.
Jiya tang kayakinan! Ta’ egarassa sateya tang mata se acapcap aeng mata. Enga ka robana ana’ ban bine. Padahal gilo’ nyabbrang tase’ lengkan.
”Ce’ abidda sedha, Le!”
Seporana, Ka’, ken gi’ amet gi buru. Me’ gilo’ mangkat, Ka? Koca’eng edhante’a e Tangkel?” Tanya sengko’ dha’ Ra’i sambi ngosap mata se bacca ta’ ron-karon.
Ropana Ra’i ta’ bannya’ akandha. Langsung eodhi’i sapedha motor se nengneng kabit gella’ ban engko’ esoro ongga agonceng ka sapedhana.
Badha se ane rassana sal engko’ ongga ka sapedha motor. Enga badha pa-apa ebabana pa’-tompana sapedhana Ra’i. Kadhi’ bungkol rassana. Lo’ se barampa engko’ ka sapedhana ban lo’ jau sapedha motor se ajalan e budhina badha oreng wat-thuwadan acampor bi’ monyena sapedha towana Ra’i se yeb-kriyebben.
AmbuCong,” koca’na pan-barampan kale ekedhing ka kopeng.
AmbuKa’,” kocana sengko’ sambi nakdak tengngana Ra’i se raja sambada. Paleng ken oreng gila, Le’, kocanah Ra’I lo’ malaon sakale dha’ sapedhana. Sowarana serak towa maenga engko dha’ sowaranah Bi’ Tira. AmbuCong, binena… Nak...
La… leggi lakar Bi’ Tira. Engko’ atole ka budhi. Petteng notobi mowana, tape lomasamar dha’ jang-bajangnga dhari kajauwan. Engko’ alonca’ sekaleyan. Cethak langsong mencol teppa’ ka bato. Ra’i maambu dha’ sapadhana. Ibukka pa’-tompa’na sapedhana.
Ternyata are dhang gabuwan se badha e babana ejjugga langsong ekala’ bi’ Ra’i ban epeddengngagi dha’ tang soko. Ontong tang soko langsong etarek bi’ sengko.Badha apaKa’? Sala apa sengko’?
Ra’i lo ngedhingngagi dha’ tang oca. Pan-barampan kale are se eteggu tanangnga esebettagi dha’ badan. Kalaban ngetter tor kabater ekenja bi’ sengko’ are’eng, kalaban ceppet. Tanang dhuwa’na Ra’i epotek bi sengko sampe amonye krek” samarena jaga dhari labu gelle ta’ mekker abit engko alonca kaangguy ngala are se ngalto’ margana se ekenja ban etondingngagi dha’ cettaggRa’i. Akherra Ra’i klengnger sambi wat-tuwadan.
Bi’ Tira sambi ngap-klengngaban neggu’ tanangnga dha’ tang dhadha. ”Jiya ken nepo, Na’. Ra’i jiya peggel ka hedha margana apangrasa kalana Ra’i jiah margana hedha eanggep ken pe-ape se adhukung Ra’i,” engko’ ngedhing Ra’ban Suli bak-rembak e budhinah langgar. Persis teppa’e engko’ adikkeran e langgar marena abajang Esa. (*)

Epetthek dhari Jawa Pos Radar Madura (JPRM) eccaban Ahad, 31 Desember 2017

Tidak ada komentar:

Posting Komentar